7refti.ma | !!.... الجراية - Blog
7refti.ma-logo

7refti.ma

wrapkit
  •     Artisanat Marocain

  • |
  •     2019/04/25

  •     267 vues

!!.... الجراية

"الجراية "....

المنجج (المنسج ) في الثقافة الشعبية عندو طقوس و حقل سيمياء خاص بيه !
من الاعراف ان المنجج كا يتسدا (السدوة ) فالخيمة (الدار ) فالنهار اللي كا يكون عامر السوق الاسبوعي غالبا لان لعيالات كا يبغيو يكفضو على درعينهم و (ينشرو الزرع ..راك فاهم ) ! و كا يضطرو كاع يعطيو الجنوي لوحدة منهم تذبح شي فروج ربما كنوع من التحرر من قيد الطابو اللي كا يمنع على لمرا تدبح .
اللي كا تكون هازة الكوبة سميتها الجراية و كا يتم اختيارها بعناية من نساء الدوار كنوع من التيمن ! خاصها تكون فحلة و فيها لمروة و عاطية للعين ...كا تدي لخيط وتجيبو مع السدايات و كا يتخلل العملية كلام يشمل الدين (في شكله الشعبي ) و الجنس و حتى السياسة ولو بشكل عفوي من حيت المضمون واللغة .
السدايات كا يكونو عيالات كبارات فالسن و كا يلوحو العديد من الرساءل المشفرة للدريات الصغارات اللي كا يكونو متحلقين حول المنجج ، بحيت كا يتم تهييء الدريات بشكل غير مباشر لتقبل الهوية الجنسية لهن (عبالات ) و كذا وظيفتهن في المجتمع (الحمل ، الترابيا ، شكل العلاقة مع الذكر /الزوج ) .
الحقلل الدلالي المرتبط بالمنجج فيه شوية العنف من حيث الجذر:
العضاضة : كلمة العض ارتبطت اكثر بالحيوانات و رمزيتها التي تحيل على الخوف ..
الوقافات (لخشب ) : الواقف في مقابل الطايح ..احالة على النهوض ، عدم الاستسلام ..
الروح : وهي موضع تلاقي الخيوط ... كنوع من الانسنة (ارتباط الروح بالانسان ) ...
القالة : اداة باش يعبرو لعيالات ...
النيرة : التركيب الحروفي للكلمة غريب جدا !
للمنجج وظيفة اخرى وهي انه معيار حداكة المراة /الفتاة اللي هي هذف محتمل لخطوبة ما /زواج ما !
اما نهاية المنجج فتختتم بطقس يثبت تجدر الخرافة في الانسان و محايتتها لوجوده ..بحيت ان لعيالات كا يخويو لما في ثقب كل لوتاد اللي كانو شادين المنجج وذلك باش "يجي العام زين " وتجي الصابا. 

المصدر : ألوان بريس